ബിഗ് ബജറ്റ് ചിത്രവുമായി മമ്മൂട്ടിയും ദുൽഖറും. തെലുങ്ക് സിനിമ മേഖലയെ പിടിച്ചെടുക്കാൻ ഒരുങ്ങി മെഗാസ്റ്റാർ മമ്മൂട്ടിയും ദുൽഖറും. മഹാനടി എന്ന ഹിറ്റ് ചിത്രത്തിന് ശേഷം വീണ്ടും ദുൽഖർ തിളങ്ങാൻ ഒരുങ്ങുകയാണ്. യാത്ര എന്ന ചിത്രത്തിലൂടെ നീണ്ട ഇടവേളയ്‌ക്ക് ശേഷം മമ്മൂട്ടിയും തെലുങ്കിലേക്ക് എത്തിയതിന് പിന്നാലെയാണ് ദുൽഖറും എത്തുന്നത്.
ദുല്‍ഖറിനൊപ്പം നടന്‍ നാനിയും സിനിമയിലുണ്ടാവുമെന്നാണ് പ്രമുഖ മാധ്യമം റിപ്പോർട്ട് ചെയ്തു . ഈ രണ്ട് താരങ്ങൾക്ക് പുറമേ ഒരുപാട് താരങ്ങളെ അണിനിരത്തി ഒരുങ്ങുന്ന ചിത്രം വെങ്കടേശ്വര ക്രിയേഷന്‍സിന്റെ ബാനറില്‍ ദില്‍ രാജുവാണ് നിര്‍മ്മിക്കുന്നത്.
ദുൽഖറിന്റെ കരിയറിൽ ഇതുവരെ ചെയ്യാത്ത തരത്തിലുള്ള ഒരു ചിത്രമായിരിക്കും ഇതെന്നും സൂചനകളുണ്ട്. ബിഗ് ബജറ്റ് ചിത്രമായ യാത്ര റിലീസിനൊരുങ്ങുമ്പോൾ തെലുങ്ക് കീഴടക്കുന്നത് വാപ്പയാണോ മകനാണോ എന്ന് കാത്തിരിക്കേണ്ടിവരും.
നിലവില്‍ ബോളിവുഡില്‍ അഭിനയിക്കുന്ന സോയ ഫാക്ടറിന് ശേഷം തെലുങ്കില്‍ ഒരു സിനിമയും മലയാളത്തില്‍ രണ്ട് സിനിമയും ഏറ്റെടുത്തിട്ടുണ്ടെന്നായിരുന്നു ദുല്‍ഖര്‍ മുമ്പ് പറഞ്ഞിട്ടുണ്ടായിരുന്നു. ഏറെ പ്രതീക്ഷയിലാണ് ഇരുവരുടെയും സിഎന്മകൾ കാത്തിരിക്കുന്നത്.
