മലയാള സിനിമയെ മുഴുവൻ ആവേശഭരിതരാക്കിയാണ് രണ്ട് കുഞ്ഞാലി മരയ്ക്കാരും അണിയറ പ്രവർത്തകർ പ്രഖ്യാപിച്ചത്. സന്തോഷ് ശിവന്റെ കുഞ്ഞാലി മരയ്ക്കാർ മമ്മൂട്ടിയും പ്രിയദർശന്റെ കുഞ്ഞാലി മോഹൻലാലുമായിരുന്നു. മൂന്ന് പതിറ്റാണ്ടിലധികമായി മലയാള സിനിമ അടക്കിവാഴുന്ന ‘ബിഗ് എംസ്‌’ ഒരേ കഥാപാത്രമായി മത്സരിക്കുമോയെന്ന് ഉറ്റു നോക്കുകയാണ് വലിയൊരു വിഭാഗം പ്രേക്ഷകര്‍.ഇതിനിടെ തങ്ങള്‍ ആദ്യം പ്രഖ്യാപിച്ച ‘കുഞ്ഞാലി മരയ്ക്കാര്‍ നാലാമന്‍’ ഈ വര്‍ഷം തന്നെ ഷൂട്ട് ചെയ്യുമെന്ന് അറിയിച്ചിരിക്കുകയാണ് ഓഗസ്റ്റ് സിനിമാസ്.
മമ്മൂട്ടി-സന്തോഷ് ശിവന്‍ പ്രൊജക്ട് ഉപേക്ഷിച്ചതുകൊണ്ടാണ് തങ്ങള്‍ ചെയ്യുന്നതെന്ന പ്രിയദര്‍ശന്റേയും മോഹന്‍ലാലിന്റേയും ആരോപണങ്ങള്‍ ഓഗസ്റ്റ് സിനിമാസിന്റെ ഉടമകളില്‍ ഒരാളായ ഷാജി നടേശന്‍ തള്ളി. മമ്മൂട്ടിയെ നായകനാക്കി സന്തോഷ് ശിവന്‍ സംവിധാനം ചെയ്യുമെന്ന് പ്രഖ്യാപിച്ചിരുന്ന പ്രൊജക്ട് ഉപേക്ഷിച്ചതായി ആരോടും ഒരിക്കലും പറഞ്ഞിട്ടില്ലെന്ന് ഷാജി നടേശന്‍ സ്വകാര്യ മാധ്യമത്തിനോട് പറഞ്ഞു പറഞ്ഞു.
കുഞ്ഞാലി മരയ്ക്കാര്‍ ചെയ്യാനുള്ള ആലോചന ഓഗസ്റ്റ് സിനിമാസ് 2014ല്‍ തുടങ്ങിയതാണ്. പ്രൊജക്ട് ഉപേക്ഷിച്ചതായി ആരോടും ഒരിക്കലും പറഞ്ഞിട്ടില്ല. കുഞ്ഞാലി മരയ്ക്കാര്‍ നാലാമന്‍ ഈ വര്‍ഷം തന്നെ ഷൂട്ട് ചെയ്യും. സന്തോഷ് ശിവന്‍ മറ്റു പ്രൊജക്ടുകളുമായി ബന്ധപ്പെട്ട് തിരക്കുകളിലായിരുന്നു. അതാണ് താമസിച്ചത്. ടി പി രാജീവന്റെ വര്‍ഷങ്ങള്‍ നീണ്ട അധ്വാനം ഈ സ്‌ക്രിപ്റ്റിന് പിന്നിലുണ്ട്. ഈ സ്‌ക്രിപ്റ്റ് പ്രിയദര്‍ശന്‍ വായിച്ചിട്ടുണ്ട്. ടി പി രാജീവനോട് കുഞ്ഞാലിമരയ്ക്കാര്‍ നാലാമന്റെ സ്‌ക്രിപ്റ്റ് പ്രിയദര്‍ശന്‍ ആവശ്യപ്പെടുകയും ചെയ്തു. ഞങ്ങളോടുള്ള കമ്മിറ്റ്‌മെന്റിന്റെ പുറത്ത് രാജീവന്‍ ആ പ്രൊജക്ടിന്റെ ഭാഗമാകാന്‍ തയ്യാറായില്ല.‘- ഷാജി നടേശൻ വ്യക്തമാക്കുന്നു.ആ ധീര സ്വാതന്ത്ര്യപോരാളിയേക്കുറിച്ചുള്ള സിനിമ ചരിത്രത്തോട് നീതി പുലര്‍ത്തി, അതേ പോലെയാണ് ചെയ്യേണ്ടത്. പ്രിയദര്‍ശന്‍-മോഹന്‍ലാല്‍ കൂട്ടുകെട്ടില്‍ ഒരുങ്ങുന്ന കുഞ്ഞാലി മരയ്ക്കാർ ഒരു ഗിമ്മിക്ക് മാത്രമായി പോകരുതെന്ന് അഗ്രഹിക്കുന്നു. ഒരു പ്രൊഫഷണല്‍ മര്യാദ അവരില്‍ നിന്ന് പ്രതീക്ഷിച്ചിരുന്നു.‘- ഷാജി നടേശൻ പറയുന്നു.’
